衰嘢一齊嚟！朱智賢高燒疑染疫撞車生風癩

疫情肆虐，本地娛樂圈也宣告失守！無綫藝人朱智賢昨日發文自爆高燒，燒足兩日之餘，出外看醫生時竟遇上交通意外，認真黑仔！驚足多日，她全程做了3次快速測試，幸好沒有確診。

昨日朱智賢網晒多張量體溫及快速測試棒的照片，並以「呢2日真的是禍不單行」為題發文，原來她發燒又發冷，雖然冇染疫，但幾日以來猶如地獄又折返人間。她說第一天起床時已感腰痠，直至下午開始發冷：「嘗試去瞓覺，喺被窩入面蜷縮了1小時手腳還是很冰冷，凍到無法入睡，再過多陣，身體開始發熱，隨之而來是全身肌肉痠痛。」她即做快速測試，結果是沒有確診，雖然已服退燒藥，但依然高燒至攝氏38.9度以上。

由於翌日她仍未退燒，雖然第2次快速測試的結果仍是沒有確診，但為保險計，決定出門睇醫生，但途中發生交通意外！她說：「睇完醫生打算返屋企好好休息，點知遇上小小的車輛碰撞，橫風橫雨又10度之下仲要落車，搞咗個幾鐘，對鞋濕晒，頭髮又濕，風癩又出埋，凍到成個人震晒。」

做3次快速測試

幸好朱智賢第3天已退燒，再做快速測試，結果也是沒有確診，她才開始心安：「大家不用擔心，我只係冷親。喺呢啲非常時期，最好就唔好病啦！同埋奉勸大家屋企最好有快速測試劑守門口，如果唔係到你有少少唔舒服嘅時候你就會好騰雞。PS: 三次快速測試，分別用咗三隻不同牌子去測。」