陳展鵬戥拍檔開心 唔介意補拍

視帝陳展鵬與湯洛雯現為無綫劇《隱門》拍廠景，由於疫情嚴峻，監製王心慰早前煞停拍外景。對於黃智雯突然暫別劇組到內地拍劇，至6月才可返港補拍戲份，問展鵬會否受影響？他說：「影響一定有，但我覺得呢個影響非常之好，大家面對疫情，工作都因應暫停。雖然6月再拍要睇番劇本，但我知智雯或者其他同事返內地工作，好戥佢哋開心，因為大家都係好有實力。公司就好似一間名校，出好多優質學生。公司依家有新氣象，志偉哥（曾志偉）用佢嘅能力帶畀大家更多機會，係佢嘅功勞。我知嚟緊自己有機會去內地，好多同事都有機會，去完可以帶多啲元素返公司，台前幕後先會有進步。」而監製王心慰表示智雯的戲份已拍得七七八八，只剩泳池及學校的外景戲，加上現時很多場地不容許拍攝，故待智雯返港及疫情緩和才拍外景。