「擠迫關係 離場是我」 Anton認與林欣彤拍拖 舊愛點播《殘忍》

林欣彤（Mag）被本報率先爆撬人長腳，暗撻樂隊ONE PROMISE成員Anton，Anton本有拍拖7年的圈外女友。前日Mag自揭疑確診新冠肺炎，即有圈中朋友看不過眼爆料，指她被同居的Anton傳染。事件曝光後，Anton昨日終坦承與Mag拍拖，並說：「首先多謝大家關心，我同Mag係發展中，而且同前任分手後先同Mag一齊，Mag絕對唔係第三者。我嘅前任係圈外人，所以都唔希望佢因為呢件事受輿論壓力。加上我同Mag病情唔輕，仍在康復階段，希望各位給予空間，多謝！」

話就話時間沒重疊，不過Anton女友於凌晨時分，卻在社交網限時動態上載Mag老友許廷鏗的歌曲《殘忍》，似力插Anton對她背叛的「殘忍」，並配上歌詞：「擠迫的關係之中肯定一個要淘汰，從來從無犯錯，而離場仍是我」，附上裂開的紅心圖案，親證與Anton之間有「第三者」，自己慘遭拋棄。她在社交網留金句：「劈腿是慣性，說謊更是隨性。#偽人」

另一方面，圈中友人再續爆，當年Anton跟女友一齊飼養一頭黑狗Captain，自移情Mag後，不單狠撇舊愛，甚至狗也不理。她在今年一月底上載與愛犬行山照，寫道：「呢段找回自己嘅日子裏，不斷用忙碌充實住自己……互相陪伴、互相支持，一路陪着我經歷、度過艱難日子……之前終於有機會第一次自己帶住Captain去camping，讓單親嘅佢感到雙倍的，製造更多開心美好嘅母子回憶。」字裏行間，都感受到她的淒涼寂寞。