蔣怡結婚周年收鑽刀

藝人蔣怡前日與珠寶設計師老公翁狄森慶祝結婚9周年，剪了短髮的她，感覺十分清新。她網晒在酒店撐枱腳的照片，並謂：「同老公靜靜地飲酒傾偈，傾咗兩個鐘，好耐未試過2人世界。（老公送咗乜嘢禮物？）一個刀形鑽石鏈墜，鑽刀仲可以拆出嚟，好精緻！我就送咗套調酒工具畀佢，依家因為疫情，老公成日喺屋企，仲愛上咗調酒。」