昔日東方Mike北上掘金4個月 力保招牌爆炸頭
有「情歌下靶王」稱號的曾比特（Mike），本報接獲消息指他離港暫別樂壇，昨日他果然孭住結他、推住3大篋行李現身機場，他笑說：「我何德何能可以暫別樂壇！」原來他獲欽點到北京參與一個有關港樂的綜藝演出，將逗留4個月才返港。作為新世代歌手可北上發展，他說：「多謝公司畀機會，令我眼界開闊。」但又坦言捨不得：「係人生最長一次離港紀錄，亦係第一次隔離，仲要28日！」
重裝備的他帶定結他與書本：「係好大工程，成件事好突然，學識咗點樣極速執行李，屋企人笑我係咪去移民！（帶定好多內褲？）係囉！呢個係必需品，而背囊全部係電腦嘢，諗住創作。」至於可擔心爆炸頭沒有髮型師處理？他笑說：「早兩日再電咗個好實淨嘅爆炸頭，希望呢4個月捱到！」
自認為食的他，最捨不得香港的美食，笑說：「同事話北京好多辣嘢食，但我唔食得辣，唔知點算好。」今次北京之行，他視為一大挑戰：「呢個旅程其實有好多問號，希望順順利利，大家一齊幫我集氣，28日後我會健健康康㗎喇！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
