昔日東方單文柔做足功課 拒貿然帶女打針
本地疫情數字屢創新高，無綫昨晚起一連4晚推出特備節目《爭分奪秒同抗疫》，與全港觀眾同心抗疫，由森美與朱凱婷擔任主持，並邀得多位專家及顧問做嘉賓。視帝陳展鵬偕太太單文柔打頭陣，在節目中探討兒童注射疫苗的相關問題。
單文柔昨日受訪，問到會否讓年紀尚小的囡囡注射疫苗？她表示想先在節目詢問專家意見，釐清一些想法才作決定：「現時資料同數據唔太清楚，小朋友又太細，比起大人打針要更加謹慎，所以同展鵬都想了解多啲先。呢排少帶個女出街，安排咗好多屋企活動畀佢，佢都明白有病毒出唔到去，會比較有耐性。」至於剛完成隔離的森美，透露昨日一連做了3次檢測以策安全，做節目期間亦會戴上醫療口罩。
另一邊廂，李璨琛的囡囡李元元向來活潑好動，惟最近只能留在家中，悶得碌地沙，去到晚上11時更扭計想出門，被要求上床睡覺時即嚎啕大哭，令人哭笑不得！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
