經營「副業」 為毛孩請命 蔚雨芯進軍NFT市場 女神群起力撐

蔚雨芯（Rainky）愛唱歌又愛拍戲，近年又愛上做生意，她的「副業」除了有自家的美容品牌外，也加入全球潮玩的新形態投資NFT（非同質化代幣），Rainky睇準NFT種類繁多，她有份創辦的Meowdel，獲得台灣、韓國、馬來西亞、日本等地女神支持，包括本地薑樂宜、簽了古天樂旗下的馬來西亞女神黃詩棋、日模松岡李那等，她說：「我哋投資咗差唔多有7位數，其實風險唔算好大。」他們以貓貓作為標記，因為她本身有養寵物，其拍檔也是貓奴，並計劃將賺到的錢捐助寵物慈善機構，雖然首批推出的貓貓NFT未正式開賣，但已經有人準備搶購，反應不錯。

近日她從二手市場以10萬元買入金色的貓貓送給林盛斌（Bob），她說：「因為阿Bob之前話有興趣，咁我應承送隻畀佢，點知首批就畀班貴賓級會員搶晒，我要用炒賣價買咗隻送畀佢，因為金色好罕有得幾十隻，貴咗成70倍，但我應承得人就要做。」她表示Bob亦有參與其他NFT，期望將來一同合作。

面對虛擬世界的商機競爭，她表示市場上確實有氾濫情況，但他們都認真看待，希望將來可以自創一個遊戲世界，她說：「我哋唔係為咗炒賣賺錢，係有長遠發展計劃。」