楊明整蛋糕賀莊思明生日

藝人楊明走出交通意外案件陰霾，逐步重新活躍於社交網，不但於日前情人節上載與女友莊思明的合照放閃，前日莊思明35歲生日，他又落足心機整蛋糕，並用朱古力砌出女友英文名「Lisa」，相當有心思！莊思明冧爆說：「今年嘅生日真係好驚喜，因為我冇諗過你會親手整個蛋糕畀我，多謝你為我製造呢個小驚喜，第一次整朱古力蛋糕嚟講真係好好食。（大家唔好誤會，個公主蛋糕係佢訂嘅，朱古力蛋糕先係親手整㗎！）今年應該係我最Hea嘅生日，冇化妝冇梳頭冇換衫，平平淡淡開開心心喺屋企過，謝謝你為我做的一切，I love you。」