爆冷冇份爭金像影帝 網民戥霆鋒唔抵

《第40屆香港電影金像獎》昨午在九龍灣舉行記者會，邀得張家輝及彭秀慧揭曉19個獎項的入圍名單，林家棟憑電影《智齒》及《手捲煙》角逐影帝，大戰《濁水漂流》的吳鎮宇及《媽媽的神奇小子》的梁仲恆等，名單一出即惹來網民熱議！

不少網民認為贏盡口碑與票房的英皇電影《怒火》，雖入圍「最佳電影」及陳木勝憑該片入圍「最佳導演」，但演出備受好評、被讚將奸角演得極具層次的謝霆鋒，竟未能入圍最佳男主角，令網民大感疑惑！由於《殺出個黃昏》的謝賢有份角逐影帝，有人留言：「唔通想畀機會冇攞過金像影帝嘅霆鋒老竇，而犧牲個仔？」

對於網民戥霆鋒不值，其經理人霍汶希無奈說：「霆鋒好耐冇拍電影，今次拍《怒火》全因導演陳木勝，佢由接劇本到拍攝都全情投入，全部動作戲都親身上陣，雖然部戲因疫情令映期一再改變，但依然無損票房，仲打破中港合拍動作片嘅紀綠，霆鋒亦憑呢套戲喺內地攞咗好多獎，所以今次金像獎唔入圍，我都好意外同失望！」她直言沒想過霆鋒未能入圍：「明白有好多因素，唯一安慰係得到網民支持。（霆鋒有冇唔開心？）佢冇表現出嚟，其實佢已經有金像獎大滿貫，攞過金像獎最佳新演員、最佳男配角同最佳男主角，所以今次唔入圍，唔會影響佢對電影嘅熱誠、期望同抱負。」

至於影后方面，一眾後起之秀《馬達．蓮娜》的周秀娜、《智齒》的劉雅瑟及《梅艷芳》的王丹妮，將力戰「老戲骨」《奪冠》的鞏俐。英皇藝人劉雅瑟對入圍影后表現興奮：「真的很感謝鄭保瑞導演將『王桃』這個角色交給我，一個演員遇到一個好角色太難了，該片讓我更有信心做一名演員，激勵我走到現在。」而入行13年的周秀娜，繼年前的《29+1》後再爭影后，她說：「入圍已經好開心，對我嚟講有重大意義，咁啱依家拍緊場戲講我啱啱瞓醒，我都想知自己究竟係咪未醒定仲發緊夢！」

昨日的記者會上，金像獎協會董事局主席爾冬陞（小寶）透露，頒獎禮暫定4月17日假尖沙咀文化中心舉行，但因疫情而存在變數：「因為政府場所可能關門，我哋有Plan B改去九展舉行，但萬一情況再嚴峻，無可奈何都要轉搞線上頒獎禮。」由於政府場地要求入場人士接種新冠疫苗，記者打趣或有得獎者被拒門外，他無奈說：「會想辦法將獎項交到佢哋手中，入場人數有限，我哋會畀入圍者優先進場。（去年嘅得獎者有冇機會補攞獎？）諗緊安排一個環節畀佢哋亮相。」同場的張家輝則透露，本計劃5月開拍自導自演新戲，但現時一切要押後。