後腦撼地狂嘔 董敏莉囡囡急送院

女星董敏莉去年初舉家移民台灣，育有3歲半女兒莊子子的她，前日透露囡囡日前在酒店浴室不慎跌倒，整個人撻低兼後腦着地，敷完冰觀察了一晚，翌日即帶囡囡睇醫生，豈料開長途車回家時，囡囡忽然表示肚子不舒服，之後突然嘔吐，嚇到董敏莉失晒魂：「係嘔晒中午食嘅嘢出嚟，都幾多，而我只能用手幫佢接住，佢勁驚又勁喊，我哋梗係更加擔心，即刻改道搵最近嘅醫院急診睇吓。」