組男團疑被鏡粉問候全家 羅天宇丘梓謙高EQ神回

無綫藝人丘梓謙去年憑處境劇《愛．回家之開心速遞》「蔥頭」一角人氣急升，獲不少劇迷支持，但亦有網民質疑其角色影射MIRROR人氣王姜濤而作出惡評，事件一度掀起話題。事隔將近1年，近日丘梓謙與羅天宇、許俊豪等組成男團Super Tiger被指硬撼MIRROR，再次觸動網民神經，鬧爆丘梓謙，令他忍無可忍，於社交網上載與某網民的對話截圖，該網民連番爆粗：「唔好扮MIRROR啦，X你老母！」、「祝你早日冚家X」等，而他逐一回應：「我哋會長命百歲，不用擔心」、「我哋冚家做地產就發啦」，又表示：「請尊重別人尊重自己。」獲網友讚高EQ！他接受本報訪問時，坦言今次罕有動怒而晒截圖，是因涉及其家人：「如果話我冇所謂，但話我屋企人就唔太好，雖然阻止唔到，就當笑料咁睇，之前《愛．回家》都有好多，我有時會send畀阿爸阿媽睇一齊笑。」