健達人︰「E女郎」譚旻萱食足3餐 Gym凸找數

如今變成苗條索模，她自爆有一套自家瘦身方法︰「減肥呢兩個字聽落好負面、好辛苦，其實成件事都係為咗有個更健康嘅生活習慣，平時我會戴住條心跳帶，計住每一日燃燒咗幾多卡路里，譬如嗰日食咗塊800卡路里嘅曲奇，我就會做運動燃燒1,000卡路里去平衡番。」

講到做運動，她笑言可以一星期去足7日健身室，逗留24小時更屬「碎料」︰「每次都係先踩單車熱身，量力而為咁分段踩20km，然後教練會畀重量訓練我，千祈唔好懶。」飲食方面，她會3餐照食，以零糖及少鹽、少油、少味精「3少」為主。