森美自我隔離隔住個Mon撐枱腳

DJ森美工作的電台有2個同事確診，他與其中一位同事上周三曾一同主持節目，雖然非密切接觸者，但諮詢過醫生意見後，上周四開始自行在家中隔離7日，以免傳染家人。他表示已到政府檢測站做核酸檢測，另外亦每日做快速檢測：「暫時都係陰性，做完7日如果都係陰性，就隔離完畢。」

前年兒子由英國返港已接受過居家隔離，所以森美早有經驗，今次亦依照同一規格自我隔離，他說：「我用客廁，啲垃圾分開掉、衫同碗分開洗。門口放咗漂白水毛氈，仲用濕毛巾加膠袋封住門罅，應該安全，我咁做都係表達對家人嘅愛。」昨日是情人節，他無奈表示只能透過視像通話與老婆撐枱腳，笑說：「日日都係開住電話視像同佢哋食，今日就望住老婆囉！佢午餐親手整咗餃子畀我食，算係情人節恩愛禮物。」