楊秀惠擇日報喜再添B女

藝人楊秀惠前年在馬來西亞秘密生女，昨日她趁住情人節宣布已誕下第2胎！她在社交網分享一家四口手拖手的溫馨照，並發文：「非常開心，在農曆新年來臨前，我們家裏增添了一位新成員。雖然非常忙碌，但全家人都非常開心和興奮小妺妹的到來。祝大家新一年身體健康，心想事成，一家平平安安，情人節快樂。」

翻看其社交網，見她過去半年的照片大多遮肚或穿鬆身衫示人，她接受訪問時開心分享：「BB重6.8磅，生產好順利。BB年初一返屋企，可以感受到農曆新年氣氛。家姐好錫妹妹，見到佢好鍾意妹妹，自己都好開心。（疫情期間有冇特別措施？）疫情期間樣樣都好小心，除咗去醫院之外，邊度都冇去，生產兩個月前到依家都冇出過街。」

楊洛婷火辣照益老公

另外，楊洛婷與Dear Jane主音老公黃天翱（Tim）亦趁情人節大晒溫馨。他們與仔女統統穿紅色衫上陣，大玩人肉層層疊影全家福，楊洛婷更與囝囝碌地合照，她說：「上年情人節宣布有咗細仔，今年情人節就同我個小情人影相！」問到為老公準備了甚麼禮物？她表示早於兩個月前已開始籌備：「我影咗輯好性感嘅相送畀佢！點解要準備咁耐？因為我要成功收身影相，跟住要拎啲相去外國曬。除咗呢輯新相，我仲將以前佗住仔女時影嘅相放埋一齊做咗相簿，係好開心同美好嘅回憶。」