鄧月平擇偶 首選愛飲中藥

藝人鄧月平昨日為新歌《夜》錄音，歌曲講述孤獨和夜晚，亦包含她追求真實友情和簡單愛情的人生觀，她表示近年喜愛獨處思考人生，擁有35F無敵身材的她，自爆今日情人節繼續獨自度過：「每年情人節都係自己一個人過，因為冇男朋友，之前拍拖都係咁啱情人節前就分咗手。（想快啲識番個？）唔啦，拖有乜好拍啫，哈哈。」問到擇偶條件，她笑說：「夠浪漫、心地好、鍾意聽我唱歌、一定要鍾意飲中藥同埋唔介意我同人拍咀戲！」目前以事業為重的她透露正籌備電影拍攝及開設中醫診所：「預計3月開拍，不過導演要求我減肥減到見骨，作為演員為角色犧牲係一件好正嘅事。」