生日收未婚夫大禮 李施嬅出海放閃

藝人李施嬅昨日41歲生日，趁機放閃，雖然未有晒出與未婚夫健身教練Anson的合照，但自爆獲對方送水上單車做生日禮物，讓她可以踩到出海，在海中心靜靜做瑜伽冥想，Anson更做埋「跟得男友」，陪出海兼幫手搬運水上單車，相當有心思！李施嬅即冧爆大讚：「多謝Anson呢個生日禮物，第一次踩住佢到海中心冥想、做瑜伽，最神奇係成部單車可以放入個背囊孭住走。之前玩過話好鍾意，原來有人記住咗。真係祝你身體健康嘅生日禮物啦！謝謝你。」