張致恒飽歷「家變」生白鬚

張致恒（Steven）早前被老婆雯雯單方面離婚，幸好箍煲成功，更戲劇性地再做老竇。由地獄折返人間的Steven當然要有所表示，除了日日留在家中，陪伴正懷第三胎的老婆外，亦不時上載自己同囝囝親子樂，他日前又在社交網甫出與大仔合照，笑到見牙唔見眼，大晒自己好幸福，並留言：「快樂就係咁簡單！」網民就發現Steven雖然只得37歲，但滿面灰灰白白鬚根，十足歷盡滄桑，望落完全不似實際年齡。至於腹大便便的雯雯亦同樣上載與大仔合照，大晒溫馨。