《英國音樂獎》改賽制無分性別 Adele捧大獎發牢騷：我鍾意做女歌手！

今屆《英國音樂獎》順應左翼政治正確反歧視風潮，取消男女分開賽制，無論男、女、非男非女也混合在同一項「年度歌手」競爭。Adele揮低勁敵英國天王Ed Sheeran奪得「年度歌手」，上台致詞時暗諷大會改賽制：「我知道呢個獎已經變咗，但我好鍾意做一個女歌手！」Ed則奪得另一大獎「年度作曲」。

Adele憑《30》領取「年度大碟」時，向前夫Simon Konecki與9歲兒子Angelo致敬：「多謝所有同我合作嘅人，但我想將個獎獻畀個仔同佢老竇，因為呢個創作係關於佢哋。我好自豪可以堅持自己理念，做到咁個人化嘅創作，依家都好少人再咁做。我個仔近年對我好有愛同耐性，所以呢個獎係畀佢。」她亦憑《Easy On Me》奪得「年度歌曲」。早前Adele以疫情為由臨時取消美國拉斯維加斯賭場騷，今次出席倫敦舉行的頒獎禮，引起部分歌迷不滿。有傳與體育經理人男友Rich Paul情變的她行紅地氈時，左手無名指戴上鑽戒，惹來訂婚疑雲。

至於年僅18歲的美國小天后Olivia Rodrigo憑《Good 4U》奪得「最佳國際歌曲」，她以銀色低胸裙示人，非常性感。而英國女歌手Anne-Marie表演期間，在台上落樓梯不慎仆倒，但她臨危不亂，跪地後繼續獻唱，被讚專業。