游嘉欣孖「男友」自動波埋位

藝人游嘉欣與林正峰3年來合作不斷，私底下非常老友，所以演情侶毋須綵排：「大家真係好有默契，連企位都唔使爭，我一定企左邊，佢就企右邊，佢可以話係我近年嘅最佳拍檔。（角色強勢，你私底下係咪咁？）某啲時候啦，特別係同林正峰對某啲位，各有各堅持，令到拍攝時好有火花，平時我哋都係咁相處，好多時似就嚟嗌交，但又未到吵大鑊階段。」