被指吸毒偷嘢 Kanye鬧爆Kim

美國饒舌天王Kanye West去年與真人騷女星老婆Kim Kardashian離婚，一直保持友好關係。不過自Kim去年10月搭上諧星Pete Davidson之後，他們的關係開始轉差！Kanye上月更拍片指控前妻拒絕向他透露女兒芝加哥（Chicago）生日會的舉行地點，以圖阻止他出席。而Kim日前開Post指自己是子女的「主要提供者」，因而再次激嬲Kanye！

Kanye前日在社交網留言鬧爆前妻：「你講『主要提供者』係咩意思？美國人睇到你嘗試喺我個女生日時綁架佢（女兒），你唔肯同我講生日會舉行嘅地點。」之後Kanye再爆Seed轟Kim在女兒生日會上指控他偷竊及吸毒：「你喺我同個仔喺屋內玩緊嘅時候，叫保安過嚟指控我偷嘢同吸咗毒，搞到我出席完芝加哥個派對後要接受驗毒。」