陳煒疫境搞婚禮 見步行步

藝人陳煒日前為娛樂新聞台拍攝賀年節目，談到婚禮進度時，她表示一切交由設計師好友何國鉦負責，但現時疫情嚴重，只能見步行步。提起男友，她有讚冇彈：「以前請朋友返屋企，啲貓會立即匿埋，但男友第一次去我屋企時，啲貓竟然幫我招呼佢，我覺得係好奇妙嘅緣分。男友對貓毛敏感，但佢寧願自己痕，都幫我照顧佢哋。（佢為你做過最驚喜嘅事係咩？）求婚，因為佢嘅性格係多過4個人以上嘅聚會佢就會啞咗，估唔到佢叫晒我啲朋友嚟見證，仲要唱歌，佢真係鼓起好大勇氣，令我好感動。」