年底出閣！莊思明拍拖行大運

藝人莊思明日前與餐廳同事食團年飯，答謝他們一年來辛苦工作，她說：「好多謝員工同拍檔，大家都捱得好辛苦，冇諗過疫情會咁耐。」由於疫情關係，今年未能返回馬來西亞過節，只有家姐莊鍶敏在港，思明打算破天荒親自炮製團年飯。身為食肆老闆的她，疫情下叫苦連天，她無奈表示要裁員及關閉分店節流：「只係裁咗好少人，唔想靠裁員去維持，有啲舖租約期滿，我哋唔做，主要係租金太貴，最大機會結業係灣仔分店。」談及新一年的展望，她希望疫情早日過去，又笑說：「我想花多啲時間拍劇，啲人以為我息影呀！」結婚大計則預計年底。