譚嘉儀個唱延期 驚甩Look

受第5波疫情影響，譚嘉儀原定昨日舉行的首個處女騷宣布延期，一刻失望之後，她亦面對現實：「依家多啲時間排舞同瘦身，我想重點操練手腳腹，練出腹肌，已經有馬甲線，想條線再長啲、深啲，所以新年要忍口。」過往形象斯文的她，現將頭髮染成粉紅色，又推出跳舞歌《Eyes On Me》，充滿驚喜，她說：「我返屋企時，媽咪就話：『邊個韓妹嚟咗？』我係寒背嘅『寒』就真，哈哈！」

她直言演唱會延期令她深感壓力，為了保持髮色，她每隔2星期就補染一次：「我買咗好多補色洗髮同護髮用品，要Keep到年底，有啲吃力。」她原定舉行演唱會同日會推出新精選專輯，雖然演出延期，但專輯如期推出，其入行第4張個人專輯《Eyes On Me》新曲加精選2022剛推出，以粉紅色包裝，她笑稱可當作賀年糖果送禮用：「當我係糖果，夠Sweet。」