「好嘢要籌備耐啲」 黎耀祥鄧萃雯有望年底鬥戲

黎耀祥、龔慈恩、蔣祖曼及鄭俊弘等，昨日在將軍澳電視城為新劇《輕．功》試造型，有份演出的朱晨麗因拍廣告而缺席。去年一直在內地工作的黎耀祥，專程回港拍劇及過農曆新年：「一路都有工作喺上面，要隔離所以冇返落嚟。（喺內地做咗好多綜藝節目？）係呀，因為『大灣仔』嗰班做得幾好，綜藝節目就想搵啲大灣區演員，咁啱我同鄧萃雯都喺內地，一齊做咗3、4個綜藝節目。（幾時同雯女拍《巾幗梟雄4》？）籌備緊，好嘅嘢梗係要籌備耐啲，希望年底拍，都隔咗10年，好難得有一個拍檔可以咁夾。（開工前搵陶大宇敍舊？）大宇哥好好嘅，希望同佢可以喺TVB拍劇，大家好耐冇合作。」

而鄭俊弘與太太何雁詩最近宣布有喜，準備當爸爸的他表示看着太太的肚皮愈來愈大，心情緊張又興奮：「BB喺肚裏面動作愈嚟愈多，佢聽到莫扎特音樂反應最大，好似打觔斗，但BB聽到我哋嘅歌就冇乜反應。」又指太太預產期為6月，剛好拍完劇集陪太太。至於蔣祖曼透露首次拍攝輕鬆小品，與鄭俊弘有感情線，又指跟視帝黎耀祥合作，有一定壓力。