昔日東方扮靚以外有苦惱 林凱恩擺脫乖乖女 初熟求磨練
獲無綫力捧的2015年港姐林凱恩憑處境劇《愛．回家之開心速遞》Bonnie一角成功入屋，成為觀眾熟悉的鄰家女孩。入行6年的她由青澀小女孩蛻變成輕熟女生，角色上的磨練亦愈來愈多，由大學生演到《換命真相》的富二代，近期在《隱形戰隊》更見突破，飾演染有不良嗜好的角色，她說：「Bonnie有好多係我嘅性格，其他角色就賦予挑戰機會，好似《換》可以扮大人，比較女仔啲，撇開乖乖女嘅感覺。開工初時都要慢慢適應，搵個重心。」
着重進步 獎項其次
經過數年處境劇的密集式訓練，她亦步入轉型期拍攝正劇的階段，尋求角色上的新突破：「一直乜嘢戲路都想挑戰，但要時間磨練，自己都覺得有少少成長、沉穩咗，冇咁細路女，心態上開始覺得做唔到人哋個女、大學生嘅角色。」思想漸趨成熟的她續說：「依家會諗多啲，唔係淨係諗打扮靚唔靚、點Keep Fit變瘦，自己想行舒服嘅路線，希望由自己開始感染到人哋開心，唔使刻意營造。」
台慶頒獎禮賽果塵埃落定，她坦言對獎項沒有看得那麼重：「早年聽到自己有提名，係傻咗咁喺度喊，開心到喊咗幾日。依家係着重自己有冇進步。出街啲觀眾好似隔籬屋個女咁叫我Bonnie，贏咗呢啲已經好開心。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
