升呢「阿姐」好Sweet 鄧麗欣算命問姻緣

鄧麗欣（Stephy）、王菀之、林明禎、張繼聰及陳湛文等，前晚出席賀歲片《飯戲攻心》記者會，「集氣」祝願電影能早日上映。席上林明禎稱Stephy為「Stephy姐」，指對方對她照顧有加，Stephy笑說：「其他人咁叫就唔好，但佢咁叫覺得好Sweet、好有愛！」又大讚對方獨立，而且很勤力練習廣東話對白。

對於電影延期上映，林明禎表示未有打亂回馬來西亞的行程，而Stephy直言情緒受影響：「一直好期待賀歲檔上映，我仲有另一套電影喺情人節上，但要重新排期。」問到感情生活，她反問：「我都想知，未去算（命）。（追求者？）暫時未發現，我唔心急。」

張繼聰則表示學懂活在當下：「呢2年多咗時間陪小朋友，最近日日陪佢上網課、對功課，好似自己讀緊K2咁。」而因ViuTV劇集《IT狗》而人氣急升的陳湛文，認為電影若能在情人節上映也不錯。