菊梓喬喪食蘿蔔糕 提前發福

歌手菊梓喬昨日偕衛詩等錄影無綫節目《勁歌金曲》，她自爆未到農曆新年，已食了超過10底蘿蔔糕：「好鍾意食，嚟緊仲會入貨，同埋呢排冇得出去食飯，成日喺屋企韓燒，搞到肥咗10幾磅，皮膚仲要差晒！」11月底生日的她，現時尚有朋友邀食生日飯，她預計過年後會肥多幾磅：「咁就有動力減肥。（辦咗年貨未？ ）我冇呢啲習俗，年年都冇乜利是?，但會派畀同事。依家諗緊係咪應該買啲花膠、花菇同海參送畀朋友，好過送糖果。」