演唱會前途未卜 照苦練 COLLAR代言初體驗 唔知收幾錢

COLLAR昨日以露腰運動裝現身代言品牌發布會，即場跳唱新歌《Call My Name!》及進行簽約儀式。對於出道不久便獲品牌垂青，她們表示興奮、驚喜又榮幸，問到酬勞是否可觀？她們笑言也想知道，又指興奮到忘記問，至於是否已有不少廣告在手，隊長Gao說：「我哋都唔清楚，每日埋頭苦幹準備演唱會。」又預告會推出新歌，但曲風仍未落實。提到疫情嚴峻，3月演唱會是否延期？她們坦言也有擔心，認為公眾安全最重要，但仍會如常地準備。

另外，經理人Wing之前自爆Win Win本是女團人選之一，但她拒入團，對於是誰執二攤，Gao說：「冇話邊個取代邊個，我哋本身都喺度，都係想選擇呢啲人。（即係原本女團有9人？）我哋唔知。希望大家喺唔同路上都開心，將來有機會合作。」Marf認為就算少了Win Win對女團也沒有影響：「因為成立COLLAR起就已經係我哋8個人，《造星》係一個小舞台，出面世界好大，仲有好多唔同空間去發展。」So Ching稱會尊重每個人的決定。

最近網民票選COLLAR最靚素顏成員，結果Day登首位，Day透露也有留意，又大讚其他團員的素顏跟化妝後分別不大。對於有指她是混血兒，她承認自己有尼泊爾血統。