被指扮幸福 湯怡出招反擊

藝人湯怡與排舞師老公麥秋成奉女成婚，去年誕下愛女，她現時兼顧工作及湊女，為了Keep住人氣，不時跟粉絲玩「你問我答」，近日有網友竟留言：「你覺得麥大秋（指麥秋成）出面有幾多個女人，你扮幸福扮得好假，枉你仲係演員。」湯怡即貼上幸福家庭照，更Nice爆回覆對方：「多謝一直有一小撮人一直都特別關心我哋嘅婚姻，我係一個演員，自問演技唔係特別好，所以我真係唔知點扮亦唔識扮幸福，作為演員我係要研究一下嘅，多謝你嘅提點，而我哋嘅婚姻生活，只可以講『時間會證明一切』，謝謝。」