昔日東方入行8年先做完「熱身」 蔡潔慢半拍放棄埋堆
藝人蔡潔2013年選華姐後返回澳洲工作及讀書，幾乎在當地定居與演藝事業擦身而過。她於2014年正式簽約電影公司，翌年更拍了10套電影，在影壇初試啼聲，後來因轉公司從影壇轉戰公仔箱拍劇，她說：「電影、電視劇好唔同，拍劇好考演員執生。」
做影子跟視后取經
她早前在無綫劇《拳王》孭飛做女主角，觀眾覺得其演出有視后李佳芯（Ali）的影子，她笑說：「有聽過，自己覺得唔似，佢靚好多。自己都鍾意Ali嘅演繹，佢係我欣賞嘅演員，如果學到當然係好事。」不過慢熱性格卻與Ali相反，入行8年的她自言要慢慢適應娛樂圈的節奏：「監製都話蔡潔真係好慢，煞科咁耐，睇首播先同大家熟落。」
蔡潔曾經想改變自己迎合別人，惟最終覺得勉強不來，寧願慢慢認識：「入行試過想活躍啲、唔好咁怕醜，但係幾辛苦，相信人哋都感覺到幾奇怪。呢行咩性格嘅人都有，慢有慢嘅好，自己亦快唔到，唔會再刻意改變自己，呢個就係我。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
