淆底道歉：唔係惡意！浮誇惡搞Britney Rachel被鬧到刪片

由史提芬史匹堡（Steven Spielberg）執導的《西城故事》重拍自經典歌舞片《夢斷城西》，女主角Rachel一舉成名，升呢矚目新星，怎料卻因貪玩惹禍！

曾因精神問題被父親監護的Britney，最近脫離監護權重獲自由，連環公開批評家人，包括妹妹Jamie Lynn。Britney指控妹妹不支持她，又否認如妹妹傳記所寫般曾以刀指嚇對方，並取消追隨妹妹的社交網。

Rachel在寓所房間拍片，誇張地讀出Britney的社交網留言：「Jamie Lynn，我真係恭喜你呀Babe！你依家係低過地底泥。我從來冇喺你附近攞住把刀，亦冇咁諗過！」網民紛紛批評Rachel的行為，有人更爆粗狠批：「對唔住，如果你喺2022年仲係搵Britney開玩笑，你係一個X街，成熟啲啦唔該你！」

被圍剿的Rachel其後刪走短片兼道歉：「認識我嘅人都知我幾鍾意Britney同支持佢，雖然我唔係惡意，但我應該諗清楚其他人會點睇。我對於令到人唔開心同失望感到抱歉，呢個唔係應該開玩笑嘅情況，喺呢個關鍵時候，我哋都應該企喺Britney嗰邊。多謝大家聽我講，亦多謝大家嘅指教。」