鍾嘉欣今返加：囡囡1萬個Kiss等緊我

鍾嘉欣昨日出席活動，她表示今晨便會飛返加拿大與家人團聚：「趕得切返去同屋企人過年。（要唔要隔離？）會居家隔離14日，其實都擔心，嗰邊每日幾千宗。（點預防？）照做番平日啲措施，最緊要有好嘅心理質素，健康思想、身體同多休息，大家要加油保重堅持。」

問到囡囡有否掛念她，她即冧爆指5歲女兒已懂事：「可能慣咗我耐唔耐要飛，不過佢話預備咗一萬個kiss同擁抱等我，又話會同我瞓。」她坦言未知幾時會再回港，但感恩說：「今次返嚟有好多得着，好似阿仔今次陪我返嚟個幾月，啲廣東話突飛猛進。」問到有否工作洽談，有機會再返港？她說：「依家疫情咁樣，同埋我唔想離開屋企太長時間，不過老公大部分親人都喺香港，佢話若果疫情轉好，我哋就即刻飛返嚟。」