妹妹鬧爆大細超 露Bra太性感 Olivia Culpo被拒登機

曾是美國小姐與環球小姐雙料冠軍的Olivia，日前與男友Christian McCaffrey及妹妹Aurora Culpo由美國飛往墨西哥，身穿運動Bra Top與短褲的她，被航空公司認為太性感而阻止登機，過程被妹妹拍下，並上載至社交網。

Aurora批評航空公司無理取鬧，爆粗力撐家姐：「睇吓佢件衫，佢睇落好可愛，睇落好端正！結果職員叫佢去櫃台，話佢知要着多件罩衫外套，否則唔畀佢上機，你話係咪黐X線！」最終Olivia在運動Bra Top外加上男友的灰色連帽衞衣，才獲准上機。

Aurora又上載Christian在飛機座位凍到縮作一團的照片，笑說：「當你因為女朋友着得唔恰當而凍到僵……就同《鐵達尼號》阿積點死一樣。」又拍下另一打扮同樣性感的女乘客，指航空公司未有干涉她的打扮，實在是雙重標準。