COLLAR感激MIRROR開路助聲勢無懼迎戰「聲夢幫」

女團COLLAR出道短短幾日已有20多萬粉絲，人氣強勁！8名成員昨日受訪時先否認抄襲質疑，對於有指女團聲勢浩大，反觀MIRROR遭公司冷待而令鏡粉不滿？她們不覺女團風頭勁，並大讚師兄功不可沒：「係時間性問題，師兄MIRROR一開始組成真係好艱辛，佢哋開咗條路，我哋先可以咁順利。」

講到女團獲大批「前夫」力撐，她們揚言不怕變「人妻公敵」，自認「前妻」粉絲也有不少，Marf笑言有粉絲全家都喜歡她們，這是最好追星現象：「我哋目標就係做到老少咸宜。」至於會否擔心跟「聲夢小花」組成的After Class作比較？芯駖坦言只會跟自己比，又稱不介意跟對手合作：「合作係好事，咁先有火花，娛樂圈先會有氣氛。」

大方認拍拖

此外，各成員又談到各自擔當，So Ching頻頻上廁所自認是「廁所擔當」，Day經常撞傷是「受傷擔當」。由素人變藝人，Marf稱身份不同，日後會更謹言慎行，問到會否擔心私隱或拍拖問題，WINKA及So Ching就舉手認有男友，Marf說：「我哋都係有血有肉嘅女仔，正常私人生活係需要有，咁先係貼地嘅人。（之前傳你拍拖？）我啲粉絲都好相信我，所有嘢穩定我就會同大家講。」