昔日東方搵舖Feel到有古怪 楊柳青撲文武廟定驚
藝人楊柳青最近同時拍攝3劇，包括無綫《法證先鋒V》、《法言人》及英國劇集，但日前仍抽空到上環文武廟拜神，原來背後有段故事！當日下午，她與友人抵達文武廟，買下香燭後誠心向文武二帝下跪參拜，其後參觀一會便離開。
事後她接受電話訪問說：「之前去上環睇舖，突然覺得好唔舒服，成身起晒雞皮，好驚，覺得有啲古怪，就同朋友嚟文武廟，喺門口傾偈坐咗成個鐘，等到感覺好番啲、個心定啲先離開，今次係專登嚟還神。」
拍劇冇覺好瞓
原來她去年在上環開設的健身室因租約期滿而停業，她心急搵舖重開，又要忙拍劇，壓力相當大！她說：「有日行勻上環、灣仔、金鐘睇咗10幾間舖，嗰排搞到成個人瘦晒！」她明白欲速則不達，決定完成手頭上的劇集後再開舖：「諗通咗，唔好心急，就算畀我開到，但拍劇連瞓覺都冇時間，仲邊有時間打理舖頭！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
