不甘被淘汰患情緒病 梁允瑜感激高人點醒 重新出發

「粗口港姐」梁允瑜（Chloe）去年參選港姐，原本是大熱佳麗，卻因食住魚蛋爆粗鬧舊愛的短片流出，形象瞬間跌落谷底，結果首輪淘汰賽已被Foul，無緣晉級。大抵賽果令她未能接受，故她選擇收埋自己，加上網上不斷有惡意批評，抵受不住壓力的她患上情緒病，不過Chloe卻未有求醫，她日前接受本報專訪，透露當時甚麼也不想做，對前路卻相當迷惘：「其實當初覺得粗口呢樣嘢好多人都會講，可能因為參選就畀人放大，好似犯罪殺人放火咁嚴重，又話我冇家教，所以咪收埋自己幾星期。（家人好擔心？）都會，其實我唔想家人睇到我失敗一面，本身家境唔好，好想改變佢哋生活，但賽果令我覺得好對佢哋唔住。」直至後來被大會邀請現身決賽，席間被高層曾志偉一番說話點醒，Chloe表示：「曾生話冠軍只得一個，其他個個都畀人叫落選港姐，當刻我成個人放低咗！（你家境有幾唔好？）唔想講咁多，係有事發生咗，所以想努力搵錢。」