七仙羽戀黃德斌 半粒鐘上埋床！

人氣玄學家七仙羽師傅（七師傅）、黃德斌及電台DJ「阿正」黃正宜，最近獲譚仔雲南米線與合作夥伴Deliveroo戶戶送邀請拍攝全新廣告，當中七師傅與德斌更上演一段富家女與賣魚佬的愛情故事！七師傅獻出首次拍攝談情戲份，化身四眼妹、穿格仔恤衫及牛仔褲，立即有減齡效果，她表示：「好開心可以同男神德斌合作，大家好似返到電影《阿飛正傳》嘅拍拖情懷，浪漫又有喜感，好多謝德斌帶我入戲！大家用咗半小時培養感情，練跳舞，仲有床戲，已經好心足，但我都講笑想導演加接吻戲自肥！」又指拍攝前有狂煲王家衛執導的電影增進演技。