與七仙羽同場試食 黐旺氣 鄭欣宜恨要桃花 多多益善

剛奪得叱咤樂壇女歌手金獎的鄭欣宜，昨日與七仙羽（七師傅）一起出席譚仔雲南米線（譚仔）的試食活動，欣宜穿上鮮黃色上衫配紅耳環，相當搶眼，七師傅亦不「輸蝕」，以一身紅噹噹旗袍再配春麗頭，夠晒喜慶，充滿賀年氣氛！

2人在現場默契十足，因為欣宜之前有份參與對方主持的賀年節目《七福星》，七師傅笑言：「節目內容當然要保密，但都有為佢今年嘅運程畀意見，啱啱見到欣宜我都即刻恭喜佢連拎兩個大獎，欣宜亦好謙虛話拍完節目沾咗『師傅愛你』旺氣，新一年有好開始，要多謝我請我食飯。我一向好欣賞欣宜，由細睇到佢大，見佢喺台上感言有笑有淚，我都鼓勵佢，大家都係有經歷、身經百戰嘅人，所以做好自己就有收成，真金不怕洪爐火。」

七師傅亦笑指自己很旺，她謂：「你睇吓同我一齊做嘢嘅人有幾旺，下世老公軒公（張敬軒）同欣宜都係《七福星》嘅嘉賓，都拎咗叱咤金獎。」

欣宜亦大讚師傅旺氣逼人，並且想再得指點：「新一年事業順利外，師傅猛笑要唔要幫我添一點桃花，我同師傅講桃花要，要好多，因為做呢一行桃花就係人緣，至於姻緣嘅桃花就隨緣了。」提到新年如何度過，欣宜就表示要看疫情：「本身都有一啲工作安排，但要睇睇疫情，希望會有好轉。」

虎年將至，當然要豐衣足食，大飽口福，譚仔新推出「紫菜珍．鮮三寶泡椒酸菜魚湯米線」以及「蒜椒雞腳筋」，欣宜勁Like，大讚「超滿足」。