冼靖峰張馳豪「胖」隨成長決心減肥

「聲夢」兄弟冼靖峰（Archie）及張馳豪（Aska）齊齊主演處男劇《青春本我》，提到Archie於首集被公開童年肥仔照，他笑言︰「影相嗰陣應該係5、6歲，當時發現原來食物係好好食！」直至中三體重直逼200磅，他終於決心減肥︰「每次小息都食雞髀、撈麵，之後被同學笑肥，玩『捉依因』永遠都係我第一個輸！而且爸爸驚我身體有事，就叫我去驗血。」

Aska亦自爆小六前是肥仔，曾被欺凌及取笑，就連英文名都「出賣」他︰「我原本個名其實係『Oscar』，小五嗰陣時同班有3個肥嘟嘟嘅同學都係一樣名，成個組合咁！所以就好唔鍾意個名，覺得『O』字好圓、好脹。之後因為好鍾意台灣歌手楊宗緯，就跟咗佢改名做『Aska』。」