娛樂

出「墊」術反串跳艷舞 陳展鵬硬膠咪神 同唐詩詠鬥姣

唐詩詠未試過着艷舞裝,笑言估唔到自己可以咁正! 唐詩詠未試過着艷舞裝,笑言估唔到自己可以咁正!
唐詩詠未試過着艷舞裝,笑言估唔到自己可以咁正!
首次跳艷舞的唐詩詠遇上勁敵,對手竟是猛男陳展鵬!詩詠笑指對方反串造型「驚」艷,展鵬則自爆戴「硬膠」上陣,笑言詩詠都要「忌」他幾分。
無綫新劇《鐵拳英雄》昨晚首播,陳展鵬、唐詩詠、陳山聰與姚子羚等均以「真功夫」上陣,拳拳到肉。劇中不乏搞笑場面,觀眾欣賞視覺刺激之餘,亦會笑到碌地。
詩詠與展鵬將有諧趣表現,劇情講述詩詠為求達到目的,與展鵬一齊跳艷舞。女方造型鬼火咁靚,展鵬則反串上陣,搞笑度爆燈。詩詠昨日受訪時坦言從演以來首次跟男人爭妍鬥麗,大爆展鵬為了突出「騷味」,墊了多個「缽仔糕」:「展鵬真係好正,佢嘅女裝好『驚』艷。(你有冇攝Pad呀?)我冇呀!因為我本身件衫有,但佢就墊咗好多嘢喺入面囉!」
拍攝前剃腳毛
她指自己的艷舞裝很突破:「我未試過着呢一類衫,本身套衫同頭飾超重,不過真係好靚,多謝服裝同事咁有心機,一針一針釘啲珠片上去,同埋件衫實在太少布喇,拍嗰日我忍住冇食嘢!以前我唔係好識用個身軀去吸引人,但拍完呢場戲之後,我發現原來自己都幾正。」
至於展鵬表示為了反串演出,拍攝前特別剃清腳毛,「光管腳」上陣:「其實跳舞唔係重點,重點係喺身材上面。(詩詠爆你攝好多Pad?)點止Pad咁簡單?我啲身材咁平,直頭要塞晒硬膠啦!塞完真係眼前一亮,詩詠都即刻忌我幾分。」另外,詩詠好姊妹黃翠如由內地返港,2人即相約見面,並於社交網上載短片,見她們心情High爆,又攬又錫。
陳展鵬反寸演艷舞女郎,夠晒「驚」喜。陳展鵬反寸演艷舞女郎,夠晒「驚」喜。
陳展鵬反寸演艷舞女郎,夠晒「驚」喜。
陳展鵬拍攝前剃清腳毛。陳展鵬拍攝前剃清腳毛。
陳展鵬拍攝前剃清腳毛。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500