昔日東方何廣沛轉軚信邪 由「靈」開始
藝人何廣沛在新劇《異搜店》中擁有特異功能，觸碰舊物便可以得到物件的記憶。他稱拍攝時一部已經沒有電的舊電腦忽然開機，嚇得他急急把它關掉，他笑言事後很後悔關了電腦，否則可能因此真的會獲得特異功能呢！
怪異事件一不離二，何廣沛在拍攝另一套劇時又試過「鬼揞口」﹕「我同奶仔（方紹聰）喺殮房外拍攝，佢問喺呢啲地方拍嘢驚唔驚有污糟嘢，我當時想講我都唔迷信嘅，但我講咗3、4次都講唔出完整句子。」他坦言以前從不相信亦不懼怕靈異之說，但經過這兩次弔詭的遭遇後，確是「見過鬼都會怕黑」。
與陳曉華冇約會
提到他跟陳曉華因合作《異》劇而傳緋聞，他坦言拍攝3個月以來2人日夜相對經常密密斟，但強調只為工作，別無其他：「我哋只係傾套劇。（冇傾私人嘢？）得鬼閒傾私人嘢。拍完套劇到今日我同佢冇出嚟食過一餐飯，大家只係好好同事，好好拍檔。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
