岑杏賢約滿無綫離《家》

2012年港姐「最上鏡小姐」岑杏賢，近年在《愛．回家之開心速遞》飾演秘書Icy，提高其「入屋」度，前年結婚的她，去年一索得男，產後未有重拾幕前工作。近期有網民發現無綫官方網頁的藝人名單中，其資料及相片已被下架。岑杏賢接受訪問時承認已離開無綫：「已離開大概兩個星期左右，已經約滿，公司好尊重我嘅決定，係和諧地離開。希望未來可以鑽研多啲有關兒童心理學，接觸多啲關於親子教育範疇嘅知識，同埋照顧好BB。」問到會否不捨，她說：「一定會唔捨得，特別係Icy呢個角色，陪伴我有3年，所以好想多謝鍾意Icy呢個角色嘅人！」