謝芷倫甜蜜傳短訊 買大床築愛巢

新婚的Jan日前身穿短裙單拖出動，現身銅鑼灣的家具店，為新築的愛巢添置傢俬。她對一張7字形的大梳化甚有興趣，看過價錢後，有備而來的她就拿出軟尺為家具量度尺寸；其後她再選購餐枱及大床，睇中一張設計簡約的白色雙人床，她掀開被子後便坐下來測試舒適度。Jan每看中一件家具便會拿出手機拍照及傳錄音短訊，當收聽短訊時又經常甜笑，似乎是與老公遠距離打情罵俏。

Jan事後受訪時表示終於忙完婚禮，成為人妻的她非常享受入廚樂趣，她說：「最近多咗機會下廚，之前拍《流行都市》睇咗好多大廚煮嘢食，依家可以親自試吓，我好放心去煮，因為就算麻麻好食，老公都會覺得好味。我好鍾意整麵包同焗蛋糕，最近第一次整德國鹼水麵包，好好玩。」

除了幕前工作外，她透露最近忙於為花膠生意的新年禮盒設計及推廣。