熊黛林喊到癲咗老公驚驚

家族爭鬥劇《家族榮耀》前晚播出一集是藝人熊黛林（Lynn）飾演的「惡毒」少奶奶向楊茜堯下跪，引起網民熱議，隨即登上內地微博熱搜榜。Lynn表示接拍此劇甚具挑戰，雖然拍得好辛苦但好開心，拍攝到後期更有少少發癲，她說：「真係未試過拍咁嘅角色，連續喊咗幾晚，入戲之後停唔到落嚟，連導演叫咗Cut，我停咗兩秒之後一路喊咗幾分鐘，所有人開頭都企定定喺度唔敢郁，見我喊到停唔到，唔敢理我，由我喊，佢哋做番自己嘢，諗起都好搞笑。」

她自言多場崩潰爆喊戲不能抽離，結果令老公郭可頌「受苦」：「一段時間我癲癲哋，連老公都唔理，佢好緊張、好驚！未試過我會對佢咁冷淡。」她拍攝此劇瘦到面龐凹陷，需要休息抖抖。