鄭俊弘靠老婆下火

他近年開始再拍劇，音樂方面亦預告將簽新公司及出歌，問到不跟太太何雁詩一起做獨立歌手？他坦言始終工作上想分開做，問到是否避免吵架？他即笑說：「有時都有拗撬，佢要求好高，我比較隨便，有時同佢錄音大家都忟忟哋。」但他表示兩人會互相遷就，自己亦學識講出心底感受及主動道歉，是認識太太後最大轉變：「學識唔開心講咗先，同埋最緊要識講對唔住，唔好自尊太強，大家一齊生活冇分你我。」他亦直言自己有時脾氣大，全靠太太的愛令他「下火」。