胡定欣無罩拍劇心驚驚

胡定欣與周家怡昨日在尖沙咀出席慈善數碼藝術展，定欣分享2年前到尼泊爾探訪的經驗，感動得語帶哽咽。最近為無綫劇集《破毒強人》開工的她面對新一輪疫情，無奈地說：「6點之後冇堂食，好似回復返1年前咁，睇新聞都覺得要控制嘅，大家都要小心啲。未知劇組有咩措施，睇新聞見隔咁遠都中招，我哋拍劇好多時都戴唔到口罩，開工比上次疫情更擔心。」並說：「修甲、gym都去唔到，好好彩睇咗張敬軒第10場演唱會，之後佢就延期。」而周家怡說：「原本公司會拉隊去睇張敬軒個騷尾場，但係要延期。有朋友嘅食肆、美容院開張，依家都停晒。」