羅子溢開劇前買禮物氹子女

除了為新劇做準備，近月羅子溢經常留在家中與太太楊茜堯一起照顧一對子女，日前他被拍到於玩具店購物，左揀右揀，看來要求相當高。他表示當日是想買玩具給去年底出世的囝囝：「想買份禮物畀細佬，但唔想個女呷醋，都代細佬買份禮物畀家姐。（湊B順利嗎？）因為有第一胎（經驗），今次上手好多，不過小朋友性別唔同，湊嘅方法都唔同，好似換片咁，要防止囝囝『斟茶』，所以要撳住佢啫啫，但都要有飲茶嘅心理準備。」而由於疫情關係，政府收緊防疫政策，子溢也表示囝囝滿月時不會擺酒，只會簡單食飯慶祝。