吳岱融感受失明打冷震

藝人吳岱融與導演朱鳳嫻前晚出席新片優先場，片中吳岱融與惠英紅飾演失明夫婦，坦言首次挑戰失明角色，難度不小：「導演會睇到我哋啲動作有咩問題，我Roll機前會睇到晒啲嘢，但Action就合埋眼，有時都會博懵，但手腳掂到啲嘢會唔自然。」並指今次感受很深：「如果真係睇唔到嘢會好驚，我試過喺屋企自己合埋眼感受，有打冷震。」提到與惠英紅合作，他表示已合作過2、3次，但今次與之前很不同。