鋪路公開戀情？ 菊梓喬甜笑勁讚吳卓羲：佢好好好好！

菊梓喬、胡鴻鈞與吳若希等昨日在將軍澳電視城出席無綫節目《慈善星輝仁濟夜》記者會，疫情下節目將如期在本月8日晚舉行直播，屆時只會有《仁濟》成員出席，不設現場觀眾。

有份表演的Hana，與Ron的緋聞情侶關係近日有突破性發展，除夕夜Ron帶同家人欣賞她演出的除夕騷，當時沒有否認戀情。問Ron是否其男朋友時？她說：「唔講呢啲喇！（Ron冇否認你係女友？）哈哈……唔講呢啲。（佢帶埋屋企人捧你場？）嗰晚好多朋友都帶咗屋企人嚟，好耐冇呢啲戶外騷。（感覺到佢追緊你？）感覺嘅嘢個個都唔同，嗰晚淨係感覺到好大風、好凍。（情人節點慶祝？）要為婚禮表演，其實不論自己有拍拖定冇拍拖，都冇慶祝過情人節。」

講到Ron的人品，Hana亦有讚冇彈，不停說「好好」，她說：「佢好好，係一個好好嘅人！好敬業嘅前輩，拍戲、拍劇都好睇，係一個好好嘅人。（鍾唔鍾意孝順仔？）梗係鍾意，孝順、心地好嘅人，有邊個唔鍾意？」至於Ron前晚出席電影首映，被問到可有邀請Hana出席？他即笑說：「係支持嘅梗係買飛啦！（遲啲陪佢睇？）我今晚都睇，未必會睇多次……唔好講呢啲嘢啦！」