AGA擔心到喊 驚個唱4度改期

歌手江海迦（AGA）原定1月29及30日舉行首個個人紅館演唱會，昨日出席活動時談及防疫措施再度收緊，問是否擔心演出取消？她本來樂觀面對，後來忍不住爆喊稱有點擔心，要留意事態發展再決定：「我努力祈禱中，好想順利舉行。（有冇應變方案？）公司會準備，我盡力做好本分。今次係第3次改期，絕對唔希望再有第4次，我會積極面對。」並揚言會專心綵排。其父母專程由澳洲回港捧場，剛完成21天隔離，她說：「大家都好期待，希望只係好事多磨。」她亦有抽空陪父母：「我依家日日食雞蛋同雞胸，但尋日準備咗打邊爐畀佢哋食，都有買想食嘅嘢畀佢哋食。」